Cliquen

Cliquenprofil Hulitramper

Clique aus: Langenthal
Gründung: 01.01.1994
Cliquentyp: Familienclique
Aktiv: Ja

Hulitramper-History Im 94i hei 4 jungi Langetalerfamilie beschlosse mit 10 Ching im Auter vo eis bis öufi mitemne chinderg'rächte Motto a d'Fasnacht ds'go. So isch usemne PTT-Handwage es wunderschöns Dornröslischloss mit ganz viu Märlifigure worde. Höhepunkt isch jewius dr Hirsmäntigumzug gsi. D'Ching si ds'fride gsi vor Höchi obenabe, däm muntere Tribe zuedsluege und so si natürlech ou d'Öutere ds'fride gsi und hei d'Fasnacht drü Tag uf dr Gass chönne gniesse. Usem Märlischloss hets schpöter es Pirateschiff, e Zirkus, ä Jim Knopf Dampfloki, äs Cruela de Ville Outo mit Dalmatiner und no viu angers meh gä. D'Familiene hei gäng chli gwächslet und plötzlech si keni Ching meh ume gsi - abghoue zu de Furzer und zu de Tambure. Mi het de beschlosse eifach witerzmache - haut ohni Ching. So si einisch Ascotleidis, es legendärs Chasperlitheather, Ständerlampene adr Schneefasnacht, e Gurmetchuchi, Schoggihase und no viu meh entstange. No wenn me Pouse g'macht het, ischme uf d'Gass ... Ds'zwänzgjöhrige Jubiläum (wieder mit Ching vo dr bereits nöchschte Generation) isch öbbis bsungers gsi. D'Hulitramper si aus Batrui Bschiss mit Murers Papiertiger am Grosse Umzug am Sunntig mitgfloge. Witergange isches de mit ere Huliwood-Fiumcrew, Asia Huli-Tours, Disain-Röhre und 2018 de Huli-Horsing wider emou mit FKK-Uftritt und Mäntigumzug aus Kavallerie-Spitzegruppe.

Passende Artikel